COP 26 kry halfhartige ooreenkoms

Met twee dae langer in onderhandelings as wat geskeduleer is, het die COP26 konferensie wel tot ʼn ooreenkoms gekom rakende die gebruik van steenkool as bron van energie opwekking.

Ernstige verskille onder die sowat 200 lande wat die konferensie bygewoon het, is die hoofrede vir die uitgerekte vergadering, om uiteindelik ʼn afgewaterde besluit te formuleer wat alle leiers kon aanvaar.

Die konferensie wat onder die vaandel van die Verenigde Nasies gehou is in Glasgow, Engeland, kon eers laat middag van die afgelope Saterdag  ʼn ooreenkoms bereik.

Met die ooreenkoms is die toekoms van steenkool gedoem en sal alternatiewe soos sonkrag en windkrag aangewend moet word, maar die moontlikheid van ander bronne soos waterstof is ook in die vooruitsig gestel.

Die armer lande eis egter dat die ryk lande hulle sal verbind tot ʼn finale sperdatum, waarna fossiel energiebronne soos steenkool, uitgefaseer moet word.

Die ryk lande is beskuldig daarvan dat hulle die besoedeling en kweekhuisgasse veroorsaak het, en behoort nou die rykdom wat daaruit geput is, terug te ploeg om die klimaat verandering te verhinder.

Sjina en Indië het aan die einde beswaar aangeteken oor die taalgebruik wat verwarring veroorsaak oor wat werklik in die afgewaterde ooreenkoms bepaal word.

Deskundige ontleders sê die Glasgow ooreenkoms kan as ʼn diplomatieke sukses beskou word, en is die beste ooreenkoms beskikbaar, maar vir die omgewing se redding, ʼn totale mislukking waartydens niks eers naastenby die 1.5 grade Celsius teiken bereik het nie.