ASP betuig meegevoel met Zoeloes

Die Afrikaner Selfbeskikking Party (“AFRSP”) betuig sy opregte meegevoel met die koninklike familie van die Zoeloevolk en met die Zoeloevolk oor die afsterwe van Sy Majesteit Koning Goodwill Zwelithini vanoggend in die ouderdom van 72 jaar.

Die afgestorwe koning was ʼn onverskrokke leier wat die belange van die Zoeloevolk altyd voorop gestel het in sy lewe. Daarvan getuig onder andere die Ngonyama Trust wat op sy aandrang opgerig is om die aanspraak van die Zoeloevolk op eie grondgebied te beskerm.

Die Zoeloevolk en die Afrikanervolk deel ʼn onblusbare strewe na selfbeskikking, vry van vreemde oorheersing, en die AFRSP vertrou dat hierdie strewe van die twee volke sal voortleef en tot vervulling kom in die toekoms.

Mag die siel van Sy Majesteit Koning Goodwill Zwelithini in vrede rus.