Ons betuig meegevoel

Die Afrikaner Selfbeskikking Party het met leedwese kennis geneem van die afsterwe van die Hoofsekretaris van die Herstigte Nasionale Party , mnr. Louis van der Schyff, op Maandag 28 Desember 2020 op die ouderdom van 70 jaar.

Mnr.Van der Schyff was alombekend as ʼn mede-Afrikaner met ʼn onblusbare liefde vir sy volk en ʼn lewe van self-opofferende toewyding aan die stryd vir die vryheid van daardie volk.

Sy bydrae tot daardie vryheidstryd sal veral in hierdie tyd gemis word, maar die invloed daarvan op die toekoms van die Afrikanervolk kan nie onderskat word nie en sal nie vergeet word nie.

Die Afrikaner Selfbeskikking Party betuig sy innige meegevoel met sy weduwee, kinders, ander familie-lede, vriende en kollegas en bid hulle Gods ryke vertroosting toe.

Jurg Prinsloo SC.

Leier, Afrikaner Selfbeskikking Party.