Deense bank in reuse skandaal

 

In ’n klomp sogenaamde “verdagte” transaksies is ’n Deense bank wat, ’n tak in die Oos-Europese land Estland bedryf, betrap met ongerymdhede.

Meer as €200 miljard se transaksies is betrokke en die Deense tak van die bank was glo al verskeie kere in die verlede betrokke by geldwassery ten bate van president Vladimir Poetin van Rusland se familie.

Die Europese Unie se woordvoerder, Vera Jourova, het die naweek gesê die  €200 miljard verdagte transaksies by Denemarke se grootste bankier is die grootste skandaal wat nog in Europa aangeteken is.

Vera Jourova sê sy sal binnekort met die minister van finansies van Denemarke en sy eweknie in Estland, asook met Finland, vergader oor die aangeleentheid.

Onbevestigde berigte lui dat die Deense Bank betrokke was by sowat 15 000 spook kliënte se transaksies wat sedert 2007 tot 2015 met die geldwassery doenig was.

’n Woordvoerder van die bank sê dit was onmoontlik om te bepaal waarvandaan die geld kom en wie agter die skandaal gesit het.

Foto – President Vladimir Poetin