‘n Ander ontbyt

Iets anders vir ontbyt of ligte middagete? Vingerlek lekker geroosterde rooi uie en spek kaastert.

 

Vir die kors:

Bestanddele:

125 ml fyn mieliemeel

60 ml koekmeelblom

5 ml mosterd poeier

Knippie sout

80 ml cheddarkaas gerasper

75 gr botter, gesmelt

 

Metode vir kors:

Verhit oond tot 200ºC.

Meng al die bestanddele goed en druk vas in die gesmeerde 20 cm pannetjie.

Bak vir 5 minute en laat afkoel.

 

Vir die vulsel:

Bestanddele:

15 ml olyfolie

200 gr maer spek gesnipper

1 groot rooi ui gesnipper

2 x 230 gr roomkaas

250 ml suur room

3 ekstragroot eiers

120 gr cheddarkaas gerasper

30 ml fyn mieliemeel

Knippie sout en gemaalde swart peper

Ekstra rooi uieskywe vir versiering voordat dit in die oond gesit word

 

Metode vir die vulsel:

Verhit olie en braai spek en gesnipperde ui tot goudbruin maar nog sappig.

Meng roomkaas, suurroom goed met mekaar en voeg eiers een vir een by en meng goed na elke byvoeging.

Voeg spek en uiesnippers by en meng.

Meng gerasperde kaas, mieliemeel en geurmiddels by en meng baie goed.

Gooi in die kors, pak ekstra rooi uieskywe bo-op vir versiering en bak vir 15 minute op 200ºC.

Stel oond tot op 160ºC en bak vir ‘n verdere 40 minute.

Skakel die oond af en laat die kaaskoek afkoel in die oond.

Keer uit en geniet.