Afgedankte polisiebeampte weer aangestel

Konstabel Marie Els, wat geskors  en afgedank is weens haar optrede teenoor ’n rower, waarvan die besonderhede op ’n video vasgelê is, het weer as polisiebeampte haar pos terug gekry en is weer volstoom aan die werk.

Sy is ontslaan nadat video materiaal getoon het dat sy ’n rower geskop het, en ook met ’n ysterstaaf gesteek het.

Konst. Els het haar pligte opgeneem by die Hercules-polisiekantoor nadat haar appèl teen haar ontslag geslaag het.

Els se straf is intern gewysig tot ’n R1,000-boete op die klag van aanranding op ’n gevangene.

Sy is etlike maande gelede afgedank nadat sy skuldig bevind is dat sy ’n rower aangerand het, en dat haar optrede wreed was.

Adv. Dennis Smith, die regsverteenwoordiger van Els sê hulle het op appèl versagtende omstandighede uitgewys wat nie in ag geneem is toe sy afgedank is nie.