Versekeringsbedrog oopgevlek

Lewensversekeringsmaatskappye word deesdae ook geteiken deur vals inligting op die aansoeke te verskaf,

Dit het daartoe gelei dat vals eise verlede jaar geïdentifiseer is wat in totaal sowat R670 miljoen beloop het.

Dié toename van 160 gevalle is genoeg rede om versekerings-instansies tot kommer te stem en beteken dat nuwe vereistes in polisse aangebring moet word om die probleem te ondervang.

Versekeraars ondervind ook bedrog met begrafnis-, sowel as gesondheid-, en hospitaalpolisse.

Versekeraars sit letterlik met die hande in die hare oor vals eise wat miljoene Rand beloop, en wat nie altyd as vals eise geïdentifiseer kan word nie.

Mense maak misbruik van die gratis dekking wat kinders geniet, en sit dan ander mense se kinders op hul begrafnispolisse

Die tendens het versekeraars genoodsaak om die persoon wat die polis uitneem, te verplig om bewys te lewer dat dit wel sy of haar biologiese kinders is.

Alhoewel kliënte verplig is om alle betrokkenes se gesondheidstoestand volledig te verskaf, word belangrike inligting verswyg.

Dit kan later boemerang op die polishouer.

Blykbaar doen mense dit om die premie so laag as moontlik te hou, maar moet besef dat vals inligting tot tronkstraf kan lei, en dat die polis nietig verklaar kan word.