Goeie dag dames (en mans wat ook die liefde vir kos-maak deel).

Hierdie week het ons ‘n heerlike sjokoladekoek , waarvan karringmelk een van sy bestanddele is.  Geniet dit!

Karringmelk sjokoladekoek:

Bestanddele:

1½ koppie strooisuiker                                                 
 125ml botter
125ml kakao                                                                   
250ml warm water
500ml koekmeelblom                                                             
2 eiers
125ml karringmelk                                                         
10ml vanilla
5ml kremetart                                                            
 5ml koeksoda
¼ teelepel sout

Metode: 

Meng die kakao met die warm water.

Meng die koeksoda met die karringmelk.

Sif die droë bestandele. Klop die botter en suiker goed.

Klop die eiers goed. Voeg die eiers by die botter.

Voeg dit by die meel om die beurt met kakao en melk.

Gooi die vanilla by. Klop met ‘n houtlepel.

Bak by 180ºC vir 25 minute.

Versiersel:

250 g (270 ml) sagte botter

500g (960 ml) versiersuiker

6 groot eetlepels hoogvol  kakao

50 ml karringmelk

Sjokolade snysels, of sommer net ‘ n groot flake

Sit die botter in jou elektriese menger.

Sif die versiersuiker en kakao saam.

Voeg dit by die botter.

Meng alles goed saam en voeg karringmelk by vir gladde versiersel.

Versier koek as dit heeltemal afgekoel is, sprinkel met sjokolade sprinkels of krummel ‘n flake  bo-oor