Toe kom die leuens uit

Die gestremde kleurling seun van die Wes-Kaap, Flippie Engelbrecht, het met ’n hartseer-storie duisende mense se harte aangeraak gedurende die afgelope maande nadat berig is van ’n beweerde aanranding deur ’n wynboer van die omgewing.

In ’n ondersoek wat deur Rapport se joernaliste gedoen is, het ander feite na vore gekom wat daarop dui dat alles rondom die gestremde se omstandighede, ’n spul leuens is.

Dié onthulling kom kort nadat die beskuldigde, mnr. Johnny ­Burger (62), selfmoord gepleeg het om sy familie te beskerm teen die valse beskuldigings wat gemaak is.

Na wat berig word kon mnr. Burger nie die spanning verduur nie en het hy selfmoord as enigste uitweg gekies.

Dit blyk nou dat die aansprake wat gemaak is, alles verdigsels en leuens is. Die kleurling seun is reeds jare gepla met epileptiese aanvalle volgens kleurlinge wat hom ken, en dit is nie as gevolg van Burger se sogenaamde “aanranding” veroorsaak nie.

Die opspraakwekkende onthulling bring mee dat daar weinig waarheid in al die ander beskuldigings kan wees. Datums wat voorheen genoem is, kom nie ooreen met hospitaal verslae nie.

Die saak het baie emosies in die gebied losgemaak toe die bewering gemaak is dat Flippie epilepsie het en blind geword het tydens na ’n operasie wat gedoen is nadat hy aangerand is, en boonop sy hande verloor het omdat hy tydens ’n aanval in die vuur geval het.

Drie onafhanklike bronne wat Engelbrecht reeds jare ken, het glo aan Rapport gesê hy  het lánk voor die beweerde aanranding, epilepsie gehad. 

Dit blyk dus uit die berig in Rapport dat die die meeste bewerings teen mnr. Burger, alles verdigsels en leuens kan wees.

Een waarnemer het gesê die leuens het daartoe gelei dat ’n man wat onskuldig kan wees, sy eie lewe geneem het in ’n oomblik van uiterste spanning en magteloosheid.