Braai-marathon nuwe rekord

Mnr. Pieter Strydom (24) van Heidelberg het die vreemde avontuur aangepak om ’n nuwe rekord op te stel wat nou in die Guinness-rekords opgeteken word vir die langste braai-marathon. Hy het vir presies 63 uur aanmekaar vleis gebraai.

Hy het beoog om 80 uur voor die gasbraaier te staan met sy gereedskap, maar dit het te veel geword en die moegheid het hom ingehaal.

Volgens die vereistes wat gestel word om in dié rekordboek opgeneem te word, moes hy deurlopend vyf verskillende stukke vleis op die rooster gehou het. Hy mag nie een stuk vleis afhaal voordat ’n ander in sy plek op die rooster beland het nie. Vyf video-kameras het die hele operasie verfilm en daar was deurlopend twee ooggetuies teenwoordig om te sien dat alles volgens die reëls verloop.