Tamatie-plaas toe ’n winskopie


Die tamatie- en koolplaas van Julius Malema is vir R2,5 miljoen verkoop.
Die Batebeslagleggingseenheid het Malema se half voltooide huis in Johannesburg en sy plaas in Noord-Transvaal laat opveil vir skuld aan die Inkomstediens.

Dit is bekend dat die plaas destyds op ’n vreemde wyse deur Malema bekom is. Na bewering is die plek gekoop met opbrengste wat op ‘n bedrieglike wyse van die Departement van Vervoer in Noord-Transvaal bekom is.

Die plaas se werklike waarde is net meer as R4 miljoen. Daar is ’n vierslaapkamerhuis en ‘n swembad.

Die huis is vir R5,9 miljoen verkoop wat die totale opbrengs op R8.4 miljoen te staan bring.
Dit is nie genoeg om die totale rekening van SARS te delg nie.