Skokkende inligting oor SANW


In ’n verslag oor die SA Nasionale Weermag is bekend gemaak hoe die geboue verwaarloos word by minstens vyf lugmagbasisse.

Die verwaarlosing is sodanig dat dit ook veiligheidsrisiko’s bevat vir soldate.

Na verneem word is sowat 37, 000 geboue in verwaarlosing.

Wooneenhede van die Lugmag het nou soveel veiligheidsrisiko’s dat mense weier om daarin te woon. Die Departement Openbare Werke wat verantwoordelik is vir die instandhouding van geboue is blykbaar minder effektief as wat algemeen aanvaar is.

“Ons almal weet openbare werke is in ’n groot gemors,” is die mening van ’n SANW lid.

Agterstallige instandhoudingswerk by Langebaanweg se lugmagbasis in die Wes-Kaap het reeds die astronomiese bedrag van R100 miljoen verby gegaan.

Daar is glo ook wanbestuur in die Lugmag aan die orde van die dag. In Noord-Transvaal is die Weermag se kragstasie buite werking en word ’n kragopwekker gehuur teen sowat R50, 000 per dag. Openbare Werke is veronderstel om toe te sien dat die SANW se kragstasie herstel word.

Siphiwe Dlamini, woordvoerder van Verdediging, het glo die mening uitgespreek dat nuwe wetgewing nodig is om die bevoegdheid van instandhouding van Weermag eiendom, terug gebring kan word soos wat dit voorheen was.