ANC gaan voluit teen Blanke erfenis


Gugile Nkwinti, die Minister van Landelike Ontwikkeling en Grondhervorming het in die parlement aangekondig dat die Kasteel waarin Jan van Riebeeck gehuisves is, eerder aan die Koi en San moet behoort, maar dat dit as ’n sogenaamde “helingsplek” vir die Koi moet dien.

Die Kasteel, wat van die dae van Jan van Riebeeck uit die sewentiende eeu dateer, kan dus binnekort van ’n simbool van “kolonialisme na ’n helingsplek vir die Khoi” verander word as dié ANC minister sy sin kry.

Nkwinti het gesê die versoek vir die omskakeling van die Kasteel kom uit die Khoi-gemeenskap en hy wil sy werk as minister ook doen in belang van die Khoi.

“Dit het uit die onlangse samesprekings van my Departement met die Khoi oor grondregte, wat in Kimberley plaasgevind het, geblyk die Khoi wil die Kasteel as helingsruimte benut,” het Nkwinti bekend gemaak.

Waarnemers het aan Die Vryburger gesê dit is net nog ’n oefening van die ANC se haatveldtog teen die blanke en sy erfenis.