Definisie van ‘n volk
Alvorens die aangeleentheid van naderby bekyk word, moet ons eers probeer bepaal wat ‘n volk is.
‘n Volk is ‘n groep mense wat van ander groepe mense onderskeibaar is op grond van gemeenskaplike faktore soos ras-identiteit, bloedverwantskap, taal, kultuur en geskiedenis.
Daar is ‘n groot verskil tussen die begrippe volk en nasie. ‘n Nasie is ‘n groep mense wat binne die grondgebied van ‘n bepaalde staat woonagtig is en dus onderworpe is aan die gesag van die betrokke regering. Daar is dus nie noodwendig gemeenskaplikheid van ras, taal, kultuur en geskiedenis nie. Daar is dus ‘n Suid-Afrikaanse nasie, maar nie ‘n Suid-Afrikaanse volk nie.
Daarteenoor is die Duitse volk nie in ‘n enkele staat saamgebind nie, hulle woon in meer as een staat, naamlik Duitsland, Oostenryk en Switserland. Verder woon daar ook groot Duitse gemeenskappe in byna alle aangrensende Europese lande tot so vêr oos as Rusland en in ander wêrelddele soos Namibië en Argentinië.
‘n Mens verloor nie sy volksidentiteit wanneer hy na ‘n ander land migreer nie. Gewoonlik behou so ‘n persoon sy identiteit en soos wat sy kinders en kleinkinders algaande by die nuwe gemeenskap inskakel, verloor hulle geleidelik hul oorspronklike identiteit en word mettertyd deel van die nuwe gemeenskap.
‘n Volk is dus ‘n objektiewe gegewe. ‘n Portugees kan nie ‘n Duitser wees nie, net so min as wat ‘n Duitser ‘n Portugees kan wees. Wat wel kan gebeur, is dat ‘n Duitser na Portugal kan migreer en sy kinders en kleinkinders kan geleidelik in die Portugese volk opgeneem word, mits hulle assimileerbaar is. ‘n Nederlander of Duitser kan na Suid-Afrika migreer en sy nageslag kan geleidelik deur assimilasie in ons volk opgeneem word. ‘n Zoeloe se kinders en kleinkinders kan egter nie in ons volk opgeneem word nie, omdat hulle vanweë hul ras-identiteit nie assimileerbaar is nie.
Afrikaner of Boer?
Die gesaghebbende historikus, Herman Giliomee, wys daarop dat sedert die begin van die 18de eeu ons na onsself as Afrikaners of Boere verwys het. Die twee terme is daarna dwarsdeur ons geskiedenis as wisselvorme gebruik. Ten tye van die bestaan van die Suid-Afrikaanse Republiek (ZAR) en die Republiek van die Oranje-Vrystaat (OVS) is die twee terme steeds op dieselfde wyse as wisselterme gebruik. Geen persoon het nog ooit getwyfel wat Afrikaner of Boer beteken nie.
Daar is egter mense wat van mening is dat Afrikaner en Boer nie slegs verskillende terme is nie, maar in werklikheid verskillende volkere beteken. Daar word beweer dat die Boere die konserwatiewe, Christelike Blankes is wat in die noordelike provinsies gebore is en daar woon. Slegs hulle het glo ‘n vryheidstrewe en vertoon nie eienskappe van verraad nie. Daarteenoor word gestel dat die Afrikaners die liberale Blankes is wat in die suidelike provinsies gebore is en daar woon, nie belangstel in vryheid vir ons volk nie en tot verraad geneigd is. Daar word soms so vêr gegaan as om te sê die term Afrikaners is die naam van ‘n beesras.
In terme van die definisie van ‘n volk kan daar nie twee volkere van dieselfde ras, taal, kultuur en geskiedenis in dieselfde land bestaan nie. Die genealogie bewys in elk geval baie duidelik dat elke enkele Afrikaanssprekende Blanke ‘n noue bloedverwant is van elke ander Afrikaanssprekende Blanke in hierdie land, tot so ‘n mate dat ons volk niks anders is as ‘n uitgebreide familie nie. Ons voorsate was terdeë bewus hiervan; by die ontmoeting van ‘n vreemde het die handdruk gepaard gegaan met: “Dagsê neef/niggie, hoe voer jy die van?” Familiebande is dus vermoed en gewoonlik dan ook baie vinnig uitgelê.
Natuurlik was daar in die geskiedenis verskille tussen die noordelike en suidelike gemeenskappe van ons volk. So byvoorbeeld was die “Boere” van die ZAR sedert die laat 1870’s in ‘n ernstige konflik met Engeland betrokke wat uiteindelik in die militêre stryd van die Eerste Vryheidsoorlog (1880 – 1881) oorgegaan het. Gedurende dieselfde tyd het die “Afrikaners” in die Kaap ‘n taalstryd onder leiding van “Die Genootskap van Regte Afrikaners” aangepak.
Die feit dat daar enkele verskille in die geskiedenis van die Kaapse en Transvaalse gemeenskappe van ons volk voorkom, is egter geen bewys dat daar twee verskillende volkere bestaan nie. Gedurende die tydperk van die unifikasie van Duitsland, onder leiding van Otto von Bismarck in die 19de eeu, is daar ook ‘n verskil in die geskiedenis van die Suid-Duitsers en die Noord-Duitsers. In die tydperk voor die Frans-Pruisiese Oorlog van 1870 – 1871 het die Suid-Duitsers hulle aan die kant van die Franse teen die Noord-Duitsers geskaar en wou hulle nie saam met die Noord-Duitsers staan ten einde Duitsland te verenig nie, omdat hulle die Katolieke godsdiens met die Franse gedeel het. Dit het egter nie beteken dat die Suid-Duitsers skielik Franse geword het en nie meer Duitsers was nie. Daar is dan ook baie voorbeelde van hierdie tipe verskille in die geskiedenis van byna elke volk op aarde.
Ten opsigte van die argument dat die “Boere” en “Afrikaners” in die noordelike en suidelike provinsies respektiewelik gebore is en woon, kan die volgende teenargument gevoer word. Indien dit onbetwisbaar so is dat mense wat in die Kaap gebore is nie lede van ons volk is nie, dan is die grootste leier wat ons volk nog ooit opgelewer het, genl. J. B. M. Hertzog, sekerlik nie ‘n lid van ons volk nie – dieselfde geld vir dr. D. F. Malan, adv. J. G. Strijdom, mnr. Jaap Marais, dr. Andries Treurnicht en mnr. Eugene Terre’Blanche. Die ergste van alles is dat Andries Pretorius, Hendrik Potgieter en selfs Paul Kruger nie “Boere” was nie, maar “Afrikaners” aangesien hulle almal van die Kaap afkomstig was. In terme van die argument is ons almal in elk geval Afrikaners, want ons almal se voorouers is van die Kaap afkomstig!
Hierby aangesluit is daar ook die argument dat die mense wat deelgeneem het aan die Groot Trek die Boere is en die wat agtergebly het Afrikaners is. Op daardie argument die volgende, was Andries Pretorius dus ‘n Afrikaner of was hy ‘n Boer aangesien hy verkies het om aanvanklik aan die Kaap te bly en na die aanval op Retief besluit het om na Natal te gaan? Hy is tog vandag die held van Bloedrivier, so was daar ook baie Kaapse Rebelle wat tydens die ABO aan die Boererepublieke se kant geveg het en gesterf het en ook Kapenaars in die Rebellie van 1914. Om slegs een voorbeeld te noem, Manie Maritz, wat die bevelvoerder was in Upington en met meer as 2000 burgers deelgeneem het aan die Rebellie van 1914. Verder was daar ook trekkers wat getrek het uit die Kaapkolonie uit nie omdat hulle ‘n probleem met die Britse bewind gehad het nie, maar suiwer om agter weiding aan te trek of om handel te dryf. Verder wat word die nageslag genoem van ‘n man wat in die Transvaal woonagtig is en met ‘n dame uit die Kaap trou, sal hulle nageslag dan Afrikaners of Boere wees?
Ten opsigte van die argument dat die Boere ‘n vryheidstrewe het en nog nooit die volkstryd verraai het nie en dat die Afrikaners nie in vryheid vir ons volk belangstel nie en verder tot verraad geneigd is, die volgende: Aan die einde van die Tweede Vryheidsoorlog (1899 – 1902) was daar ongeveer 22 000 Bittereinders en 24 000 “hensoppers,” “joiners” “National Scouts” en verraaiers in die ZAR en OVS – dit wil sê amper net soveel mense in die noordelike provinsies wat ons volk se vryheid ten alle koste wou handhaaf as mense wat bereid was om die Engelse oorlogspoging teen ons volk te steun. Verder, genl. Christiaan de Wet was sekerlik die grootste vryheidsvegter wat ons volk nog ooit opgelewer het, terwyl sy eie broer, genl. Piet de Wet, ‘n “National Scout” was wat teen sy eie volksgenote geveg het. Beteken dit dat Christiaan de Wet ‘n “Boer” en Piet de Wet ‘n “Afrikaner” was. Kan dit werklik so wees dat ‘n pa en ma se een seun van een volk kan wees en hul ander seun van ‘n ander volk? Dit is tog onmoontlik. Die waarheid is egter baie eenvoudig: die een was ‘n held en die ander een ‘n swakkeling en verraaier.
Onthou verder dat die Gesuiwerde Nasionale Party, wat vanaf 1934 tot 1940 die vaandel van volksnasionalisme gedra het, hoofsaaklik ‘n Kaaplandse politieke party was, terwyl die Transvalers en Vrystaters hoofsaaklik die pro-Engelse Verenigde Party onder genl. Jannie Smuts gesteun het. Daarteenoor was diegene wat ons volk se politieke mag gaandeweg ondergrawe en uiteindelik die land aan die ANC oorgegee het van die noordelike provinsies afkomstig. Beide John Vorster en F. W. de Klerk is in die Transvaal gebore en het daar gewoon, terwyl P. W. Botha in die Vrystaat gebore is.
Dit is ook belangrik om daarop te let dat verskeie ander volkere ook meer as een naam het. So byvoorbeeld verwys die Duitsers na hulleself as “Deutsch” terwyl die Franse na hulle as “Allemande” verwys.
Is Afrikaners ‘n beesras? Ja, natuurlik. Die woord “Fries” verwys eweneens na ‘n volk sowel as ‘n sekere perd en beesras. Dieselfde geld vir “Brahmaan” of “Brahmane” wat na ‘n Indiese godheid, ‘n Indiese kas of ‘n beesras verwys. Dit is dus glad nie ongewoon dat sekere diere, soos beeste of perde, na ‘n volk of groep mense vernoem word nie.
Liberalisme
Dit is verder baie insiggewend om te sien hoe die liberalisme altyd as die vark in die verhaal voorgehou word, maar is dit werklik die geval?
Tydens die Middeleeue was die “universalisme” die heersende ideologie in Europa. Hiervolgens is die individuele en partikuliere misken ten gunste van dit wat universeel is. Daarom was daar net een kerk vir alle mense in Wes-Europa, naamlik die Rooms-Katolieke Kerk en net een keiserryk, naamlik die Heilige Romeinse Ryk.
Aan die einde van die Middeleeue het die “nominalisme” egter geleidelik na vore getree as heersende ideologie en dit het die universalisme met verloop van tyd vervang. Die universele is gevolglik misken ten gunste van dit wat individueel en partikulier is. Die nuwe begrip van die werklikheid het op kulturele gebied daartoe gelei dat die universele beeld wat van die mens bestaan het, verwerp is en met ‘n individualistiese beeld van die mens vervang is, vandaar die humanisme van die Renaissance (ongeveer 14de eeu). Op politieke terrein het dit daartoe gelei dat die dominansie van die Heilige Romeinse Ryk verwerp is ten gunste van die geleidelike erkenning van verskillende nasionale identiteite en die totstandkoming van verskillende Europese nasiestate (ongeveer 15de eeu). Op religieuse gebied is die dominansie van die Rooms-Katolieke Kerk verwerp wat tot die Hervorming, godsdiensvryheid en die totstandkoming van verskillende Lutherse en Calvinistiese kerke (ongeveer 16de eeu) gelei het. Boonop het dit daartoe gelei dat die Europese mens nuwe gebiede ontdek en gekoloniseer het (ongeveer 15de eeu).
Indien die beweging weg van die universele na die partikuliere ‘n vorm van liberalisme is, beteken dit dat gebeure soos die erkenning van die individualisme van die mens, verskillende nasionale identiteite, die opkoms van nasiestate, die Hervorming, godsdiensvryheid, die totstandkoming van die verskillende Lutherse en Calvinistiese kerke en selfs die kolonisering van nuwe gebiede buite Europa, direk aan die liberalisme gekoppel kan word en selfs as die produkte daarvan erken moet word. Anders gestel: Sonder hierdie sogenaamde liberalisme sou daar geen individualistiese begrip van die mens, nasiestate, verskillende nasionale identiteite, godsdiensvryheid of verskillende Lutherse en Calvinistiese kerke gewees het nie. Dit beteken verder dat ons as Afrikanervolk die erfgename van die liberalisme is aangesien al die vernaamste elemente van ons Afrikaneridentiteit direk daarna terug herlei kan word!!!
Teen die einde van die 18de eeu het die liberalisme as politieke magsfaktor sterk na vore getree. Die liberalisme is egter niks anders as die filosofie van vryheid nie en meer spesifiek vryheid van assosiasie, spraak, ensovoorts. Die noue verwantskap tussen die liberalisme en die nasionalisme is gedurende die loop van die 19de eeu verder beklemtoon toe daar in byna alle Europese state liberale opstande en revolusies was om afsonderlike nasiestate finaal te vestig en te verenig.
Die werklike gevaar waarvoor ons volk te staan gekom het, is dus nie die liberalisme as sodanig nie, maar die gelykheidsdogma. Die ironie is natuurlik dat die gelykheidsdogma in ons eie tyd nie in die liberalisme skuil nie, maar in die waardes en norme wat ons as nasionalistiese Boere of Afrikaners belangrik ag, naamlik:
– op politieke gebied in die demokrasie (die argument dat alle mense wat binne ‘n bepaalde staat bly moet kan stem ongeag of dit ten koste van die bestaan van afsonderlike nasionale identiteite is of nie),
– op ekonomiese gebied in die kapitalisme (die argument dat alle mense ongehinderd aan die ekonomiese sisteem moet kan deelneem ongeag of dit tot voordeel of nadeel van die volk en staat is),
– op godsdienstige gebied in die Christelike kerke (die argument dat alle mense gelyk is omdat almal deur God geskape is en omdat almal deur dieselfde optrede vir hulleself ‘n plek in dieselfde hemel kan verwerf).
Slot
Ten slotte word dit weereens herhaal: Daar is nie twee verskillende Blanke Afrikaanssprekende volkere in Suid-Afrika nie. Selfs al sou dit waar wees, moet ons, ons energie veel eerder daarop fokus om die verskille tussen hulle te oorkom en die ooreenkomste tussen hulle te beklemtoon ten einde eensgesindheid te bevorder. Ons as Boere of Afrikaners staan almal voor dieselfde vernietigende gevaar, naamlik dat ons voortbestaan in Afrika bedreig word. Om dié bedreiging te oorkom moet ons almal saamstaan en eenheid bevorder, selfs met die ander Blanke gemeenskappe in Suid-Afrika soos die Engelse, Duitsers, Nederlanders, Portugese en Grieke.
Die Afrikanervolk is die Boerevolk, die Boerevolk is die Afrikanervolk.
Andre Tibert du Toit
Dit is ‘n geregistreerde nie-winsgewende Organisasie wat na die hulpbehoewende volksgenote omsien. Ons ontvang geen hulp van die Staat of groot ondernemings nie, en is slegs afhanklik van kontant donasies en ander bruikbare huishoudelike items van die volksgenote wat aan die behoewendes gegee word. Gesinne, kinders, en bejaardes, wat die slagoffers van omstandighede buite hulle beheer is, se nood neem toe.
Dankie Andre. Hierdie Afrikaner/Boer debat was nog altyd n klippie in my skoen. Ek dink jy het raak gevat.
Volksgenote ek verstaan die Boere Afrikaner Volksraad se histories-juridiese keuse, maar verkies ‘n nuwe samebindende identiteit soos Suidlanders of Oraniers vroeer bekend as Boere.
Goeiedag Boere,
Die een argument, nl die Geloftes, wat André du Toit nie in sy brief hierbo aangeroer het nie, is vir my egter deurslaggewend vir die antwoord op sy vraag in die opskrif. My gevoel is dat die erkenning van die Verbond wat ons Vader met die nageslag van die Voortrekkers by Bloedrivier gesluit het, en daarna ook by Paardekraal en Majuba herbevestig het, bepalend is of ek myself ‘n Boer mag noem, of nie. Die Afrikaner wat homself hiermee vereenselwig, sal ook deur die Boerevolk aanvaar word, al wil hy homself steeds graag ‘n Afrikaner noem.
Dit was ons Vader se besluit om gedurende die 17de eeu sekere dele van ʼn paar Europese volke hier aan die suidpunt van Afrika te vermeng en daarmee het Hy hier ʼn unieke blanke nasie geskep wat hulself die Afrikaners genoem het en die taal wat hulle ontwikkel het, Afrikaans genoem het. Omtrent ʼn eeu vroeër het Hy op die Noord-Amerikaanse kontinent uit ander dele van min of meer dieselfde Europese volke ʼn soortgelyke nasie geskep wat hulself die Amerikaners genoem het en hul taal ook Amerkaanse Engels noem, na die naam van hul kontinent.
Ek is trots op my Afrikanerskap, want daarmee identifiseer ek my met die kontinent waarin ek gebore en getooi is en wat ek liefhet. Daaroor hoef ek my nie met ʼn Amerikaner of ʼn Australiër te identifiseer nie, al lê hulle wortels ook in Europa. As ek nou nog “Suid” as voorvoegsel byvoeg, bring dit my net ʼn bietjie nader aan die grond wat ek lief het. Maar so is daar ook ʼn hele paar miljoen ander Afrikaners (wit, bruin en swart) wat dieselfde as ek kan sê.
Ek is ook trots op my Europese afkoms want dit het aan my die blanke ras gegee waarmee ek ook 100% kan identifiseer. Uit die aard van die vanne waaruit my vorige drie geslagte gespruit het, kan ek aflei dat my eie bloedlyn uit ten minste drie Europese volke vloei, nl. Franse, Hollanders en Swede. Alhoewel ek glo dat daar nie rasvermenging in enige van die geslagte voor my oupagrootjies plaasgevind het nie, maak dit ook nie enigsins aan my saak nie, want dit is vir my genoeg om doodseker te wees dat my kinders en kleinkinders wel rassuiwer blankes is, want God besoek die sondes van die vaders net tot aan die vierde geslag (van dié wat Hom haat). Dit is egter vir my ook onnodig om verder te probeer naspeur of my bloedlyn nou deur Alexander die Grote, of deur Hagar die Verskriklike tot bo by ou Vader Abram uit Ur van die Chaldeërs loop, want wat ek wel van seker is, is dat my geloof sy oorsprong vind by God se besoek aan Abraham in Ur, en Sy ewige Verbond met die volk Israel, wat Hy met al-drie geslagte na Abraham herbevestig het.
Van volke gepraat; Net soos jy op Europese-bodem talle blanke volke gekry het, het jy op Afrika-bodem talle swart volke, soos die Zoeloevolk, die Swazi’s ens. Mense met ’n gemeenskaplike taal, kultuur en begrensde blyplek (en moontlik ʼn gemeenskaplike tradisionele geloof). So kry jy ook op Afrika-bodem ʼn blanke volk wat uit die aard van sy afkoms, kultuur, taal, geloof en internasionaal-erkende state, homself kon identifiseer as die Boerevolk. Hierdie volk onderskei homself reeds vir meer as twee eeue van ander blanke Afrikaners op grond van ʼn vryheidsdrang wat die Heilige Gees in sekere van ons voorouers geplant het, om weg te trek van onderdrukkende koloniale owerhede wat deur die Wêreldheersers gebruik was om ons van ons grond, maar veral van ons grondstowwe te beroof.
God verwys self in die Bybel na Sy volk Israel, as Sy Verbondsvolk, want dit was ʼn ewige Verbond wat Hy van Sy kant met daardie volk gesluit het vir wie Hy steeds liefhet. Ons voorouers, die Voortrekkers het in 1838 by Bloedrivier ʼn Gelofte aan Hom gemaak, waarmee hulle ook hul nageslag verbind het, wat Hy van Sy kant af gestand gedoen het en daarmee met hulle en ook hul nageslag ʼn Verbond gesluit het, maar, waar daar ook ʼn voorwaarde aan verbonde was, nl. dat hulle jaarliks hul kinders sal herinner om die eer vir die oorwinnings aan Hom alleen te gee. Daardie ou Voortrekkers het hul eerste Republiek Natalia gestig, maar baie gou nagelaat om hul kant van die Gelofte gestand te doen. Binne vier jaar was daardie republiek deur die Engelse van hulle afgeneem, het hulle weer hul vryheid verloor en moes toe weer oor die Drakensberge trek.
Die nageslag van die Voortrekkers, wat toe na hulself as die Boerevolk verwys het, het al 14 Boere-republieke wat hulle gestig het, beskou as die “Beloofde land” wat God aan hulle gegee het. Maar daar was groot onenigheid onder hulle, selfs oor die nakoming van die Gelofte, en hulle het nagelaat om hulle kant daarvan na te kom, met die gevolg dat God besluit het om die Boerevolk weer onder ʼn strafgerig te plaas. Eerstens het Hy die wêreld se rykste diamantskatte aan die Oranje Vrijstaatse Republiek gegee, maar toe ook toegelaat dat al Kimberley se diamante en daardie grondgebied van die Boere geroof en aan die Kaap-kolonie gegee word. Daarna is daar goud in Oos-Transvaal ontdek, wat die Britse Imperialiste oortuig het om al die grond waarvoor die Voortrekkers met bloed betaal het, gedurende 1877 in te palm.
Nadat hulle talle menslike pogings aangewend het om daardie anneksasie afgeweer te kry, het hulle hul in 1879 by Wonderfontein en weer op 16 Desember 1880 by Paardekraal tot hul God gewend, voor Hom verootmoedig en die Bloedrivier Gelofte met ons Vader herbevestig. Hulle het ook by Paardekraal eendragtig ʼn verbond met mekaar gesluit, wat hulle met ʼn plegtige eed voor God gesweer het “om die erfenis van die vaders ongeskonde aan ons kinders oor te gee” deur “getrou te bly aan ons land en volk, en met ons oë na God gerig, saam te werk tot die dood toe, ter wille van die vryheid van onse republiek” en ook ʼn groot klipstapel opgerig om as getuienis vir die nageslag te dien. Hierna het die Eerste Anglo-Boereoorlog uitgebreek.
Ons Vader het gesien dat hulle hul onenigheid afgesweer het en hul volle vertroue op Hom alleen gevestig het, daaroor het Hy hulle vyand oor die volgende drie maande in hul hand gegee en op 27 Febuarie 1881 by die Slag van Majuba het Hy weer aan hulle Sy Verbond met die Voortrekkers herbevestig en daar gewys dat, as ons op Hom alleen vertrou, Hy ons vyand in ons hand sou gee, wat ook deur hul leiers so besef was, toe hulle erken het; “Waarlik hier het ons nie vandag gewen nie, hier het God vandag vir ons gewen.” Die Slag van Majuba was die grootste neerlaag in Groot Brittanje se militêre geskiedenis.
Die Boere het toe ook op 31 Mei 1882 die Volksraads-besluit uitgevaardig soos beskryf in Gouvernements Kennisgeving 267. Nou was daar twee datums waarop die kinders van die Boerevolk jaarliks aan die groot dade van hul Vader in die hemel herinner moes word.
Maar God het besluit om die Boerevolk aan sy grootste toets te onderwerp en binne vyf jaar na die oorwinning by Majuba het God die wêreld se rykste goudskat in 1886 op Boeregrondgebied laat ontdek. Die Boerevolk het ryk geword, met soveel rykdom sou hulle, hulself kon bewapen en nou kon hulle op eie krag staatmaak. Maar ongelukkig het hulle binne 5 jaar ook weer nagelaat om hul kant van die Geloftes te hou. Toe het God hulle weer onder ʼn groter strafgerig geplaas en in 1899 hul vyand toegelaat om die Tweede Anglo-Boereoorlog teen die twee Boere-republieke van stapel te stuur. Maar voor die aanvang van hierdie oorlog het die Boerevolk egter skandelik nagelaat om eers weer voor God te verootmoedig en hul Geloftes te eerbiedig en hul afhanklikheid van Hom te erken, hulle het op hul eie krag en wapens vertrou.
Alhoewel die Tweede Vryheidsoorlog ten alle koste vir Brittanje die neerlaag van Majuba moés wreek, was hierdie egter ʼn strafgerig uit die Hand van God. Presies 19 jaar na die slag van Majuba, op die 27ste Februarie 1900 het God hulle weer in hul vyand se hand gegee en daarna Britanje toegelaat om opsetlik 27 000 Boere-kinders en -vrouens te vermoor. In Junie 1901 gee lord Roberts toe selfs opdrag dat die klipstapel onder die Paardekraal monument verwyder moet word en onder die treinbrug by Vereeniging in die Vaalrivier gegooi word. In hierdie strafgerig het God self die onderskeid getref en die Boerevolk daarvoor uitgesonder.
U sal merk dat die skuld vir die ongehoorsaamheid vir die verbreking van die Geloftes onder geen omstandighede voor die deur van die Afrikaners gelê kan word nie, want in al drie gevalle was dit die Boerevolk wat hierdie Heilige Ooreenkoms nie nagekom het nie. Bitter min van die Afrikaners, wat hoofsaaklik in die Kaap-kolonie agter gebly het, was op daardie stadium enigsins bewus van die Geloftes wat deur die Boerevolk, as afstammelinge van die Voortrekkers teenoor die almagtige God van hemel en aarde gemaak was.
In die gedeelte van André se brief hierbo, haal hy die geskiedenis na die Tweede Vryheids-oorlog aan en lig hy ook die Party-politiek uit wat deur die Britse Imperialiste op al Suid-Afrika se blankes afgevorseer was. Sedert daardie tyd was die grense van die Boererepublieke afgebreek en was die Boerevolk steselmatig deur die Afrikaner-Broederbond gekondisioneer om die naam Afrikaner as volksnaam te gebruik, en om hierdie vermenging ter selfdetyd af te dwing, het die Afrikaner se politieke partye ook die Bloedrivier-Gelofte onder die Afrikaners probeer vestig, maar steeds 27 Februarie agter weë gelaat om die Britse base tegemoed te kom.
Alhoewel beide die Boere en die Afrikaners hierna ‘n tydperk van relatiewe voorspoed beleef het, moet ons nie uit die oog verloor dat dit die Boerevolk was wat in daardie tyd die grootste verlies gelei het aan al die grondstowwe wat die Joodse Geldmag uit ons Boeregrond gesteel het. Ek beskou dit steeds as deel van die strafgerig waaraan God die Boerevolk onderwerp het vir ons voorouers se verbreking van ons Gelofte aan Hom.
Sedert 1994 is ons volk weer onder ‘n nuwe strafgerig, en nou moet die Afrikaners maar die keuse maak, of hulle hulself wil laat deel uitmaak van die Boerevolk se verantwoordelikheid om die Geloftes ook aan hulself en hul nageslag te verbind, en of hulle wil voortgaan om met die vyand te versoen. Dit is die keuse vir Boerskap of daarteen.
Boeregroete,
DuP
Ek praat, dink en bid in Afrikaans. Ek woon in ‘n land wat aan my en my voorgeslagte behoort.
En ek is WIT. En ek is ‘n rassis. Ek haat de Klerk en wat hy en sy bende gedoen het.
Ek haat die Engelse vir wat hulle aan ons vroue en kinders gedoen het.
Ek haat die blanke Afrikaners wat ons tot heden toe nog verraai.
*
Noem my wat julle wil.
Baie mooi gese DuP, ek hoop net ons mense se oe gaan vining oop en dat ons onself weer voor ons God sal veroontmoedig
Goeiedag Les,
Dankie vir die opmerking. Ons moet onthou dat die doel van enige smeltkroes, is om te suiwer.
Of dit nou goud, silwer of ‘n volk is wat gelouter word, die doel daarvan is om onsuiwerhede te verwyder. Die ‘Smelter’ sal self besluit wanneer die suiwering voltooi is, maar sonder volledige volksverootmoediging gaan ons nog maar lank moet aanhou bid.
Boeregroete,
DuP
Baie dankie vir die bydraes van veral die eerste twee skrywers (Du Toit en Du Plessis). Alhoewel ek bewus van die meeste feite en stellings is, en dit dus nie vir my nuus was nie, het ek dit tog met groot belangstelling gelees – en geniet!
Ek wens al die ouens (ek sal liewer nie hul name hier noem nie) wat so lief is om oor hierdie onderwerp van “Boer en Afrikaner” te stry, en wat (op verskeie Afrikaanstalige blogs en webwerwe) groot onmin gesaai het, en nog steeds saai, wil hierdie twee here (Du Toit en Du Plessis) se skrywes lees.
Aanvanklik wou ek nie hierdie artikel lees nie, omdat ek gedink het dit is weer “een van daai ouens”. Maar, nadat ek vinnig daardeur geskandeer het, kon ek agterkom dat dit ‘n gebalanseerde, logiese redenasie is. Ek wil dit dan ook – met vermelding van die skrywers se name – in een van my artikels in ‘n Europese publikasie gebruik.
*Ek het aan een van my kritici ‘n soortgelyke vraag as hier bo genoem, gestel, naamlik: As oom Koos, wat in Natal tydens die Groot Trek gebore is, met sy 2 seuns (wat altwee in Pretoria gebore is) op Bethulie (in die Suid-Vrystaat) gaan woon, wat is hierdie 3 manne dan? En, as Piet op ‘n Karoo-meisie van Colesberg verlief raak, en op haar pa se plaas in die Colesberg-distrik gaan woon, omdat sy geen broer het wat die ou familieplaas kan erf nie, wat is hierdie twee mense dan?
En, as oom Koos se jonger seun – Andries – op ‘n meisie van Potchefstroom verlief raak en trou, en hulle gaan woon op oom Koos se plaas naby Bethulie, wat is hierdie twee mense dan? En as hul kinders op Stellenbosch gaan studeer en hul lewensmaats daar ontmoet – die een is ‘n Afrikanermeisie van ‘n plaas in Namibië, en die ander een is ‘n wynboer van Stellenbosch se dogter, wat is hierdie klomp mense in my verhaal dan?
My kritikus op ‘n baie bekende Afrikaanstalige blog kon, of wou, my nie beantwoord nie, en het my weer uit ‘n ander hoek begin modder gooi.
André du Toit se relaas hier bo stel dit heel eenvoudig, logies en feitelik. Dankie André, ons kan maar hierdie twee skrywes bêre, en dit dan elke keer gebruik wanneer mense oor beuselagtighede met ons wil stry.
Kyk wat sing ons:
… So lank ons Boere bly
en
Afrikaners is plesierig
en
waar en trou as Afrikaners, kinders van Suid-Afrika
en
Boereplaas, geboortegrond
Ons is Boere-Afrikaners!
Ek vind die uiteensetting uitstekend, veral omdat sekere ouens my onlangs op die facebook probeer karnuffel het. Dit kan nie beter gestel word nie. Dankie, Andre Tibet du Toit.
Daar is egter net een sakie wat ek nie heeltemal kleinkry nie en dit is die stelling, “…omdat almal deur dieselfde optrede vir hulle ‘n plek in dieselfde hemel kan verwerf”. Dit is darem nie waar nie, want die Verlosser self verklaar: “….Ek gaan om vir julle plek te berei en kom weer na julle toe..” (Joh 14:2-3). Enige aksie wat ons op hierdie aarde onderneem, kan nie vir ons ‘n plek in God se koninkryk verwerf nie. Dit is genade alleen – genade wat ons van God ontvang! Daarby is dit God se alleenterrein om te oordeel wie in Sy koninkryk toegelaat word. Uit ware dankbaarheid vir daardie verlossing kan ons net buig in ootmoed en skuldbelydenis.
ANDRE T. DU TOIT en PETER MURRAY: Ek ken julle nie, maar vind so veel in julle standpunte waarmee ek saamstem, dat ek graag nouer kontak wil maak. Kontak my asb by [email protected] as dit moontlik is vir verdere hopelik sinvolle gesprekke.
Voorspoed. T.H.
Goeiedag Peet,
Baie dankie vir die opmerking. Ek sal dit waardeer as jy enige van die gedagtes in my brief hierbo wil gebruik ter bevordering van ons volksaak.
Ek was self al op ander blogs neerhalend gekritiseer vir my siening, maar ek glo dat so ‘n persoon ongelukkig nooit besef hoeveel hy van sy eie karakter ontbloot, deur ‘n medemens sleg te sê nie.
Boeregroete,
DuP
Ekskuus Peet,
Ek het eintlik na Peter Murray kommentaar verwys.
Boeregroete,
DuP
Deon ek verskil met jou mening. Identieit van ons volk is al wat ons nog oor het, dit is wie ons is dit is wie ons altyd sal wees, daar is nie n verskil tussen die Boerevolk en die Afrikanervolk nie as ek myself wil identifiseer is ek n Afrikaner as iemand met my voeter dan is ek iemand met boerebloed wat hulle sal leer ken op die harde manier. Hierdie twee name is sinonieme van ons Afrikanervolk wat ook reeds erken is en word deur die hele wereld.
Goeiedag Boere,
Ek het sopas gehoor dat Radio Pretoria homself nou bemark as die “Radiostasie vir die Afrikanervolk.” Sedert die Afrikaner Broederbond daar oorgeneem het, vermy hulle skielik die naam Boer of Boerevolk soos die pes.
Nou, uit standpunte van sekere lesers hierbo, lei ek af dat sommiges steeds graag die name Afrikanervolk en Boerevolk as sinonieme wil beskou. (Ek is nie kwaad hieroor nie, want dit was jare lank ook my eie siening.)
Maar ek wil tog aan diegene vra of hulle dink dat ons die blanke Australiërs tussen al die ander rasse daar, kan uitsonder en hulle die Australiër-volk noem, of kan ons die blankes in Noord-Amerika as ‘n Amerikaner-volk beskou? Beide Amerika en Australië is Federale eenheidstate wat saamgeflans is deur verskeie state met ‘n verskeidenheid rassegroepe en ander minderhede onder een meerderheidsregering saam te gooi.
Die naam Afrikaner-volk was maar net deel van die leuen waarmee die Afrikaner Broederbond destyds ‘n enkelkleurige ‘Reenboognasie’ vir al die blankes in die Suid-Afrikaanse Uniale eenheidstaat wou saamgroepeer. Dit is dieselfde leuen waarmee die NP in 1948 aan bewind gekom het, en in 1961 die Suid-Afrikaanse Republiek as ‘n voorsetting van daardie eenheidstaat gevestig het. Dit is ongelukkig ook dieselfde leuen waarvan die HNP hulself tot vandagtoe nog nie kon losskeur nie.
Daar is geen fout te vind om van ‘n Suid-Afrikaanse nasie te praat nie, en daarmee al die groepe wat deur die Suid-Afrikaanse grense van die res van Afrika geskei word, saam te groepeer, maar daar het nog nooit werklik iets soos ‘n Afrikaner-volk bestaan nie.
Verskoon my asb. as ek hiermee op iemand se tone getrap het, maar dit het myself ook maar ‘n tydjie geneem om tot hierdie besef te kom.
Boeregroete,
DuP
Dagse mense!
Ek gaan nog ‘n klippie in die bos gooi tov die Afrikaner en die Boere-Afrikaner.
Destyds, toe ons voorsate hier geland het, was ons nie van Afrika nie – dus nie ‘African’ of Afrikaners nie. Ons was in hoofsaak vanuit Europa, dus Europeers.
Mettertyd is ons hier gebore in die Suide van Afrika en die prentjie het begin om te verander. Ons het dus Suid-Afrikaners geword, mense van in hoofsaak, Europese en koukasiese herkoms. Ons taal, Afrikaans, is hier gevorm.
Aanvanklik het ons ons onderskei van die destydse ander inheemse Afrikaner groepe (from Africa), soos die Strandlopers, die Hottentotte, die Khoi-San en die Griekwas, deur ons as Suid-Afrikaners te klassifiseer – blank (koukasoide) en Afrikaanssprekend.
Soos die pot onder aan die Kaap vermeng geraak het tussen die Hollanders/Duitsers/Engelse/Franse/Indiers/Maleiers/ Hottentotte/Boesmans en nog ‘n paar swartes, het dit te veel geword vir ‘n hele aantal setlaars en die Huis van Oranje, wat die geroesmoes toe oorgegee het aan die Britte, wat toe direk aanleiding gegee tot die Groot Trek …..
Hierdie mense was hoofsaaklik boere, en was bekend as die Boere en het Afrikaans gepraat. Tot vandag toe praat die Gammatte en die Engelse van die Boere, was daar die Boere-Republieke en die Boere-oorlog. Hulle is, soos ‘n familielid dit eenkeer gestel het: ‘a very specialised breed of good mongrol!’ – dapper, taai, hardekop mense …
Hierdie groep mense was bekend daarvoor dat hul met die Bybel in die een hand en die Sweep in die ander hand gestaan het en dat hulle ‘n onblusbare vryheidsdrang gehad het – tot vandag toe nog – ,voor vryheid en voor regt’
Ons groep mense het dus van Europese en Kaapse Afrikaanse Setlaars ontwikkel tot die Boere-Afrikanervolk van vandag
Ons is inheems van Suider Afrika, dus Suid-Afrikaans. Ons is koukasiers. Ons het ‘n strewe, ‘n onblusbare hunkering om as ‘n gelowige, Afrikaanssprekende volk voort te gaan, met ‘n Boere -Afrikaanssprekende kultuur, wat ons onderskei van al die ander Afrikaanssprekendes … wat dood gelukkig is om as Afrikaanssprekende Suid-Afrikaners geklassifiseer te word
Ons Boere-Afrikaanssprekendes maak soos 1.3 miljard Sjinese – ‘if you don’t look like a China, talk like a China and smell like a China, then my friend, you are not a China!’
Boere-Afrikanergroete vanuit KemptonPark
Pieta in Perspektief