Paniek by Radio Pretoria


Die onwettige uitsendings van Radio Pretoria met sy herleistasies is besig om paniek te saai.

Dit is die mening van kenners wat jare lank betrokke was by dié radiostasie, Die Radio sal eersdaags in die hof moet verduidelik waarom die herleistasies nie aansoek gedoen het vir uitsaai lisensies nie.

Die Uitvoerende Beampte, Spies, het verlede Maandag bekend gemaak hoeveel SMS boodskappe reeds ontvang is. Die inkomste daaruit het toe op sowat R20,000 te staan gekom. Afriforum, ’n multikulturele organisasie en deel van die rasgemengde Solidariteit vakbond skenk glo R50 vir elke R10 wat met ’n SMS ingevorder word om vir die hofkoste te betaal.

Waarnemers meen die herhaalde uitsendings van Spies se advertensie dui op paniek oor wat die hof gaan beslis.

Talle Solidariteit lede is direkteure by die radiostasie, waarvan mnr. Flip Buys een is.

Buys is bekend daarvoor dat hy van tyd tot tyd met instansies soos die ANC en die De Klerk-stigting gesprek voer.