Linkse Luke Watson vra nou verskoning


Luke Watson het aan die vooraand van die Super rugby seisoen blykbaar sy spyt uitgespreek oor sy neerhalende opmerking oor Afrikaners as “Dutchmen”.

“Ek is baie jammer dat ek dit kwytgeraak het. Dis een van die dinge in my lewe waaroor ek die meeste spyt is,” het die linkse kaptein glo gesê.

Watson het sowat vyf jaar gelede hewige reaksie ontlok toe hy in ‘n toespraak gesê het Suid-Afrikaanse rugby se probleem is veroorsaak deur “Dutchmen” wat alles beheer.

Hy bied ná sowat vyf jaar verloop het, nou verskoning aan en probeer verduidelik dat sy neerhalende uitlating in ’n “warm oomblik” gemaak is.

Waarnemers sê Watson weet hy is ’n gemerkte man en wil nou die weg baan dat hy nie te veel verniel word op die rugbyveld nie. Hy maak nou die verskoning omdat sy span vanjaar in die Superreeks gaan speel. Sy uitlating van destyds het sy werklike gesindheid openbaar, maar dit kom vyf jaar te laat.

’n Oud-Springbok rugbyspeler het aan Die Vryburger gesê dat Watson bekend is vir sy “Jingo siening”.