Die uitslae van die afgelope Nasionale Assessering van hoërskoolleerlinge verdien aandag:
Die uitslae van die assessering van Wiskunde en Wetenskap laat enige kenner suur om die kiewe. Dié ANA’s het weer eens bevestig wat lankal gevrees word. Die soveelste onderwys model van die nasionale regering stuur op ‘n erge ramp af.
Die vraag was van die begin “Waarom iets verander wat werk?”
Leerlinge se gemiddelde punte vir genoemde vakke is sorgwekkend laag. Gevolglik wil hierdie leerlinge nie langer sukkel met die vakke nie en hulle verander dan van Wiskunde na Wiskundige geletterdheid en die Wetenskap word vir ‘n sogenaamde leervak geruil. Hierdeur word ‘n sneeubal-effek in beweging geplaas wat later sorg vir ‘n tekort aan kundiges in die Wetenskaplike rigting.
Selfs die aanbieding van tale het diepliggende probleme. Tydens die skryf van taalvraestelle deur ANA is die gebrek aan kundigheid deur die opstellers self ontbloot met verwysing na hulle beklemtoning van “begrip” en die nalaat van bepaling van “taalvaardigheid”.
Die redes vir die agteruitgang in die Onderwys kan op verskeie terreine gesoek word:
* Onderwysers vir hierdie vakke is nie behoorlik opgelei of in baie gevalle glad nie opgelei om die vakke aan te bied nie.
* Die noodsaaklikheid van Moedertaalonderrig word geïgnoreer. Die privaatskole en die ou model C-skole het nie juis hierdie probleem ervaar nie.
In die vorige bedeling is Christelik-Nasionale Onderwys aangebied en die resultaat daarvan is welbekend. Ouers was waarlik deel van die gebeure en ook met reg; dit was immers opvoedende onderwys. Onderwys was gesien as ‘n direkte verlengstuk van die ouerhuis.
Onderwysers was trots om Opvoeders genoem te word. By die meeste van hierdie skole was voorsiening gemaak vir hulp aan leerlinge wat probleme ervaar het. Remediërende onderwys was wat elke leerkrag deur sy aanbiedinge ingevleg het. Hart-en-Siel onderwysers was met behulp van rompslomp programme altyd bewus van die vordering en jaar gemiddeldes van al hulle leerlinge.
* Ouerbetrokkenheid wat altyd essensieel is in ‘n kind se opvoeding, kon voortydig probleme aan ouers uitwys. Dit is nie ‘n geheim dat sekere volke bereid is om meer opofferings ten opsigte van hulle kinders te maak nie. Vandag is ouers aangewese op privaat kundiges soos arbeidsterapeute, spraakterapeute en so meer. ( Is reeds vroeg na 1994 verwys as luukses in die onderwys.)
* ‘n Verdere noodsaaklikheid is die Indiensopleiding van vakonderwysers om tred te hou met die werklikheid.
* Ervare, bekwame onderwysers kan beter aangewend word en selfs beter vergoed word. Onbekwame onderwysers behoort verwyder te word uit die stelsel.
Die Onderwyskrisis word vierkantig voor die deur van die ANC-regering gelê.
Hulle strydkreet was “Liberation before Education”. Die “elite swartmense” plaas hulle kinders in blanke skole; eie inisiatief ontbreek, blanke skole word nou onder die vaandel van staatskole gekaap en die taal van die onderdrukker, Engels, is weer aan die orde van die dag.
Ons as Boere-Afrikaners moet ernstig besin oor kernwaardes, groter erns maak met die Bybelse opdrag rakende ons kinders soos verwoord is in Deuteronomium 6:6,7 en ook in die boek 2 Tim.3:14-17.
In die gedrukte media is interessante gegewens geplaas rakende die prestasie van skole met lede van die Suid-Afrikaanse Onderwysersunie op hulle personeel teenoor skole wat nie hierdie Unie ondersteun nie. ‘n Nasionale syfer van 96,2% teenoor 70,2% slaagsyfer word aangedui. Die aanslag op ons eie skole / kinders is ernstig.
Die regerende party wil gratis onderwys vir almal daarstel. Dit mag ‘n edele gedagte wees maar ten koste van wie?
Die Uitvoerende Hoof van die SAOU, Chris Klopper het gewaarsku dat Boere-Afrikaners iets moet doen aan hierdie poging tot verswelging van ons onderwys.
Die nasionale regering sal dit beslis nie vir ons doen nie.
In die lig van al die tersaaklike gegewens, kan die waardes wat in CVO-skole gevestig word by leerlinge, nie oorbeklemtoon word nie.
Dit is ‘n geregistreerde nie-winsgewende Organisasie wat na die hulpbehoewende volksgenote omsien. Ons ontvang geen hulp van die Staat of groot ondernemings nie, en is slegs afhanklik van kontant donasies en ander bruikbare huishoudelike items van die volksgenote wat aan die behoewendes gegee word. Gesinne, kinders, en bejaardes, wat die slagoffers van omstandighede buite hulle beheer is, se nood neem toe.
Ons het 2 kinders tans in n Afrikaanse pvt skool wat op n 50% CVO module werk.Dit is ongelukkig die beste wat ons in die Laeveld area kan kry-mens kan nie glo dat in ngemeenskap met so baie “Afrikaners”daar seeds nie n volwaardige BCVO skool is nie!My kinders is darem gelukkig en presteer goed.Dit krediet moet egter gaan aan Standerton Akedemie met hulle personeel en hoof,wat n volwaardigge BCVO skool is en my kinders hulle strek fondasie gegee het.As daar enige ouer daar buite is wat wonder oor BCVO-gryp die kans aan en sit julle kinders in die skole,want hulle standaarde is puik!!Dankie Standerton Akedemie en BCVO!!
Goeiedag Boere,
Hosea 4 : 6 verklaar: “My volk gaan te gronde weens gebrek aan kennis; omdat jý die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.”
Mag ons Vader in die hemel hierdie Boerevolkie nog genadig wees, om hierdie vreeslike profetiese woorde nog nie op ons van toepassing te maak nie. ( Of is ons dalk reeds te laat?)
Vir elke gesin begin die priesteramp by die vader van daardie gesin, nie by die predikant of die onderwyser nie. Ons kan probeer om die Baalpriesters in die kerke, of die NSA se onderwysstelsel die skuld te gee, maar heel eerste is ons self skuldig omdat ons die wet van ons God vergeet het, omdat ons die Geloftes van ons voorouers nie in stand hou nie.
Voor 16 Desember, gaan smeek eers om genade vir ons kinders, en gaan betaal dan die eerste van ons Geloftes, en moenie vergeet om op 27 Februarie en 6 April die ander Geloftes ook te betaal nie.
Boeregroete,
DuP