Die Boere-Afrikaner het ’n strewe na vryheid. Nie kulturele vryheid, maar republiekeinse vryheid, want kulturele vryheid is geskoei op die lees van De klerk se “eie skole en eie woongebiede” beloftes.
Kulturele vryheid is gevolglik geen vryheid nie. Dit is minstens slawerny onder die juk van die kommunis. Dit verskil geensins met dit wat die Progs sedert 1955 bepleit het net nie.
Die Boere-Afrikaner het sy strewe na Republikeinse vryheid reeds openbaar met die eerste pogings soos by Swellendam en Graaf-Reinette. Ons volk wou nog altyd weg bly van die juk wat ander volke op ons skof wou plaas. Dit is nie vreemd dat daar instansies is wat teen die soewereine onafhanklikheid gekant is nie en eerder ‘n kulturele vryheid voorhou as ‘n alternatief nie, aangesien hierdie instansies steeds heerlik geld maak in die “Nuwe Suid-Afrika”.
Die Boere-Afrikaner se stryd is nie ’n stryd wat begin en eindig in sy kultuurwêreld nie. Daardie stryd is ook deel van die stryd, maar vorm ’n kleiner onderdeel van die ware stryd om in eie land, deur ons eie mense beheer en regeer te word. Waar daardie land is, is belangrik, maar dit is nie nou die strydpunt nie.
Voor ons ’n plek bepaal moet daar eers sekere aanvoor werk gedoen word. Die registrasie van kiesers op ’n kieserslys is noodsaaklik. Die VVK het met bitter min tot sy beskikking, ’n reuse taak verrig en uiteindelik ’n verkose Volksraad daargestel. Die Boere-Afrikanervolksraad is beklee met mag om die eerste stappe te neem om volksvryheid te herwin.
Aan die anderkant is daar momentum gegee aan die uitbouing van die Volkseie Ekonomie soos dit deur die Oranje Sake Instituut en sy geaffilieerde sakekamers begin is.
Op elke ander terrein van die volksakker word daar gewerk. Verskillende organisasies doen elkeen sy deel om ons volk gereed te kry om op ’n gegewe tydstip volkome vryheid te herwin.
Elke leser van Die Vryburger is deel van hierdie stryd. Met elkeen se betrokkenheid sal daar op ’n gegewe dag iets gebeur wat die deure sal laat oopswaai en hierdie volk weer sy vryheid sal herwin om dit nimmer weer af te staan nie.
Daardie dag wanneer die Vierkleur vlae van die twee ou Boere Republieke weer wapper oor die velde van ’n vrye Republiek sal ons saam sing:
Kent gij dat volk vol heldenmoed
En toch zo lang geknecht?
Het heeft geofferd goed en bloed
Voor vrijheid en voor recht…….
Dit is ‘n geregistreerde nie-winsgewende Organisasie wat na die hulpbehoewende volksgenote omsien. Ons ontvang geen hulp van die Staat of groot ondernemings nie, en is slegs afhanklik van kontant donasies en ander bruikbare huishoudelike items van die volksgenote wat aan die behoewendes gegee word. Gesinne, kinders, en bejaardes, wat die slagoffers van omstandighede buite hulle beheer is, se nood neem toe.
Geagte Volksraad.
Ek vind dit heeltemal buite orde dat julle so maklik wil boedel oorgee. Ons voor-vaders het met hul bloed vir diè grond betaal wat deur die NP aan die ANC op ‘n skinkbord gegee is. Dit is ons grond, nie net die stukkie wat julle op aanspraak maak nie, maar die hele land. Wie die dom idee gegee het om ‘n stukkie terug te wil vra, weet ek nie, maar duidelik het julle geen vertroue in ons Hemelse Vader nie.
Die een wat voel soos julle voel kan nie eens die Stem sing nie, want dit lui duidelik, “Laat die erwe van ons vaders vir ons kinders erwe bly”.Die wat so stukkie wil hê is na my mening die klits kwyd. Suid-Afrika is ons sin, en ons sal hom terug vat met rente, tot by die ewenaar.
Ek dink dat die een of ander kerk julle oogklappe gegee het en nou probeer julle die sop se boonste water drink, in plaas van die duk groente en vleis onder in die pot. Ons is die verlore skape, en as ons terugkeer na Vader se Woord van Waarheid, sal Hy ons gebede verhoor en ons land genees.
Dit is ‘n siek besigheid hier buite, en dit lyk of julle deel daarvan wil wees. Maak los die bande wat julle vashou en vertrou net op Vader, Yahweh Elohim, en julle sal sien hoe dinge verander.
Sekondeer! Sekondeer! Tot aan die SUIDE van die Sudan – in akkoord met Siener!
Ditsem! Alles terug met skadevergoeding!
Sekondeer! Sekondeer! Tot aan die SUIDE van die Sudan!