Duitse Mis van Schubert

Met die oog op Goeie Vrydag en die Paasnaweek, gaan ons bietjie luister na die musiek wat vir hierdie geleentheid gekomponeer is.

Die uittreksel hierbo kom uit die Duitse Mis van Schubert. Die teks volg nie die Latynse liturgiese teks nie, maar bestaan uit ‘n reeks gedigte in Duits deur die digter Johann Philipp Neumann, wat ook die opdraggewer van die werk was.
Die komposisie volg die voorskrifte van Luther, wat hoewel hy by die Latynse indelings van ‘n Mis gebly het, was sy belangrikste vereiste dat die teks in die taal van die mense moes wees en dat die musiek van so ‘n aard is, dat die hele gemeente daaraan kan deelneem.
Hierdie baie bekende uittreksel, die Sanctus uit die komposisie, is in Afrikaans as Lied 171 van die nuwe Liedboek bekend.
Die kunstenaars in hierdie opname is die Beierse Radio-orkes en koor en die dirigent is Wolfgang Sawalisch.