Pssssssst, gehoor wat sê die slimmes van: suurlemoen?


‘n Huis sonder suurlemoen is ‘n halwe huis! Suurlemoen word geslagte reeds vir sy terapeutiese doeleindes gebruik.

Suurlemoen is baie ryk aan vitamien C (wat jou immuunstelsel bou en versterk) en het ‘n kragtige reinigende uitwerking op die hele spysverteringsstelsel. Dit stimuleer jou matabolisme.

Suurlemoen is ‘n fantastiese alkali (antisuur)- interessant, nê? Dit stabiliseer die suurvlakke in jou liggaam. ‘n Halwe suurlemoen uitgedruk in ‘n glas warmwater sal jou sooibrand in minute totaal opklaar.

Suurlemoen maak jou lewer (die liggaam se asblik) pragtig skoon. ‘n Vars uitgedrukte suurlemoen op jou nugtermaag is een van die beste lewertonikums beskikbaar.

Suurlemoen is ‘n antiseptiese middel. Gorrel dit vir ‘n seer keel en kyk wat gebeur.

Suurlemoen beheer blaasinfeksies en nierkwale wat hoofsaaklik ontstaan as gevolg van ‘n oormaat suur in die organe. Nierstene los in 6-8weke op wanneer suurlemoensap gereeld soggens en saans saam met warmwater gedrink word.

Suurlemoen is ryk aan kalium wat baie goed is vir jou hart en ‘n fantasiese harttonikum vir hartlyers is.

Suurlemoen op ‘n by- of perdebysteek neem die pyn en swelling vinnig weg.

Galstene kan nie hou wanneer jy suurlemoensap gemeng met olyfolie drink nie. Drink dit saans voordat jy gaan slaap- dit los die galstene op.

As jy sukkel met koorsblare, loop en suig kort-kort aan ‘n skyfie suurlemoen.

Suurlemoen is ‘n natuurlike insekweerder. Drink en smeer dit op jou vel, veral vir muskiete en vlieë.

Het jy rustelose bene snags? Suurlemoen in warm water voor jy gaan slaap is net die antwoord.

Suurlemoensap is ‘n uitstekende bloedreiniger en help vir aknee (puisies), asook om ‘n vetterige vel te beheer.

‘n Halwe suurlemoen in halfglas water uitgeruk, haal die plaak van jou tande af. Spoel jou mond vir 1minuut daagliks uit en kyk hoe word geel tande weer wit!

‘n Fantasiese suurlemoendrankie vroeg in die oggend, is rooibostee met 2 skyfies gemmerwortel daarby, gekook vir 10 minute (dat dit lekker kan trek), met ‘n kwart skyfie suurlemoen daarin uitgedruk, en 1teelepel heuning.

Die manne sal nooit weer kla van prostaatmoeilikheid nie, en dit maak die vrouens se magies pragtig gereeld! Kom ons verander die spreekwoord na : ‘n suurlemoen ‘n dag, laat die dokter wag!